اهل القصائد

اسمعوا يا اهل القصائد وش كتبنا 

 لا غدى لة بالمزجات  استجابـة

هاجس(ن) جانا مع الغفلة جذبنا 

 ما فطنا كون فـى وادي  صبابـة

هاجس ينبض حقيقة وابتلشنا 

 فى خطـاوى خوتـة ذقنـا  عذابـة

ابتدا من فترة(ن) منها خلصنا 

 بعتراض (ن) من قرارة والرضابـة

قصها باخراج فنان(ن) خدعنا 

 فى مشاهـد كلهـا حـزن  وكآبـة

جو فية من التناقض ما قتلنا 

 والغريب انسير بـة رغـم  الغرابـة

التقى بة جانب الشـام ويمنـا 

 بيـن حـد الجاهليـة  والصحابـة

لا خذينا قدوة(ن) بة واتعضنا 

 ولا غدينا قدوة اللـى فـى  شبابـة

لا اقتنعنا فى كلام اللى سبقنا 

 نستعيرة بس فـى وقـت  الخطابـة

و ان تجاهلناة مرة ما قدرنا 

 والسؤال يدور بـس ايـش الاجابـة

مرة(ن) ما عاد نحصى من مدحنا

  ومرة(ن) ما عاد ندرى من نجابة

كم قرار (ن) صار بس ان مجتمنا

  ما لغير اللى مضى عندة رحابة

لا ابتعدنا عن ضعوطة واعتزلنا

  ولا لقينا القـرب وفـى بالقرابـة

يوم شوفناان الصراحة مانصفتنـا 

 اتجهنـا كلنـا صمـت وكتابـة

ان بغينا القبيلة وامجاد اهلنا 

 ردنا العصر الحديـث وصـك  بابـة

وان بغينا انعيش ونسايـر زمنـا 

 حسنـا تاريـخ توجنـا  مهابـة

واصبحت وجهين فى عملة قدرنا 

 واختفت بين الجيوب اللى  تشابة

الشتاء لا جاء من بردة ضجرنا 

 وان لفانا الصيف صحنا يا  سحابة