Make your own free website on Tripod.com

ركـــن منـفى

 

اقـبـلت والـهـم لـه بـين الاضـلاع احـتشاد 

بـنـت غــي .. تـضـيع الـلـي تـحب تـضيعه

 

قـالت  مـن اي العباد انت قلت من البعاد 

قالت  من اي العنا جيت  قلت من اجمعه

 

قـالت عـيونك بـها شـي قـبل اوصل تهاد 

قــلـت شـــيً مــاسـلا نـاظـري لــو يـهـمعه

 

والـسنين إن كـبت الـجمر من عين السهاد 

والله انــهــا مـاتـكـبـه.. ولـــه فـيـنـي ســعـه

 

قـالت مـن الـحب فـي البعد مايغني الفؤاد 

قـلـت يـمـكن.. بــس مـالـي بــه ايـة مـنفعه

 

نــار حـبً ولـعت قـلب لـين اصـبح رمـاد 

كـــــل نـــــارٍ بــعـدهـا مـسـتـحـيل تــولـعـه

 

تـسـمعينه؟ قـالـت :اسـمـع نـعمقلت الـمراد

بـــوح قــلـبٍ مـالـقـى حــد غـيـرك يـسـمعه

 

مـن زمـن فـي ركن منفى على هامش بلاد

كــــان يــجـلـس انــســان .. مــمــا ودعــــه

 

فـــي عـيـونـه مـابـقـا لـلـحـياه  اي اتـقـاد

مــابــقـا لـلـمـقـبـلات اي رغـــبــه تــدفــعـه

 

الــلـذي مــاكـان يــرضـى بــشـيً مـــاأراد

صــــار حــتــى اي لاشــــي قـــادر يـقـنـعه

 

مــل تـفـكيره عـلـى هـاجـس الـنور امـتداد

فـــي مــسـارٍ يـجـهـل الـنـور حـتـى مـوقـعه

 

يــازمـن لافـــاد نـحـيـا.. ولاهـــو اسـتـفـاد

كــان ذا مـبـداك .. مـبـداي مــن بـاعـك بـعه

 

واقـــعٍٍٍ مـراحـلـه مـــن ســواد الــى ســواد

                                   طــز فـيـه وفــي سـواده وفـي الـلي يـتبعه