Make your own free website on Tripod.com

مـقــصـــورة حــبـــل

لي خفوقٍ كل ماجا طاري البعد أنهبل

طالبك لاعاد تطري البعد قدر المستطاع

به جروح ولاتعدّي .. لاتعدّي بالهبل

هذا وإنتي مارحلتي .. عاد لو قلتي وداع

أعرفك مانتي رديّه بس .. مقصورة حبل

تعرفين إني وقلبي والمشاعر لك جياع

البلا إني قد نهيت القلب لكن ماقبل

أبتسمتي وراح فيها وإنكشف خط الدفاع

ول من رمشك لمحني وأستلم صدري نبل

وجيت رافع له يديني في خضوعٍ وإنصياع

إسمعي .. هو مايهزك منظر الورد إن ذبل ؟

زين يوم إنه يهزك ليه تلوين الذراع ؟

وليه يابنت الأوادم مارحلتي من قبل ؟

إلا يعني تأكدي حجز التشرّد والضياع !

عاشقك يابنت ماله في مواعيد وقبل

عاشقك لو جاه حبك صاع .. ردّه بألف صاع

عاشقك من نسل قومٍ شامخه مثل الجبل

(لاتظني ينحني ويقولك ( سمعٍ وطاع

إرحلي ماعاد تفرق والجروح .. إلا قبل

بس أنا في وجه ربّي .. لاتقولين الوداع