Make your own free website on Tripod.com

 عــيــد ميـــلادك 




في ليلة عيد ميلادك 

جمعت الفرح في صدري

وجيتك يابعد عمري

شايل في يدي قمرا 

وبيدي الثانيه لك شمس .. مخبيها ورا ظهري 

هدية عيد ميلادك

*****************

في ليلة عيد ميلادك

حسدت الشمع

يابخته بيحظن أنفاسك

بيعانق داااافي إحساسك 

ويتركني

أزف من إبتهاجي دمع

****************

حبيبتي

إحترت مابين الهدايا

همت في كل الزوايا 

ودي ألقى

مايعبر عن غرامي .. عن هيامي 

عن صرير الشوق بلسان الضلوع 

صدقيني

في غرامك

ماقدرت أبقى قنوع

******************

آه منك 

مالقيت من الهدايا مايليق

لاذهب .. أو فضه 

أو حتى عقيق 

أبغى شيٍ ماطرى في بال عاشق 

شي أكبر من خيال 

أبلغ .. وأصدق

وغايه في الجمال

******************

تدري كيف ؟؟

مابقى إلا أهديك قلبي 

جامليني وإقبليه

كاتبٍ إسمك عليه

وتحت إسمك

كاتب بخطٍ صغير 

 ياحياتي

كل سنه وإنتي حياتي

كل سنه وإنتي بخير
**************************************