اعذريني ياالقصايد

ماقصدت أكــون شاعر

واتظاهر بالمشاعر

وأصلبك داخل مجلــّـه .. أو جريده

ســامحيني

إنتي باكورة تعاون

هــم .. ودمــوع .. وجراح

كــان مصـدرها تهــاون

من لهــا قلبــي .. مــراح

تعــرفيها ؟

إللي لامن صــافحتني

تنبت كروم العنب من حسنها براحة يديني

تعــرفيها .. ؟؟

مــا أظنــّـك تجهليها

هي سبب فرحي .. وغلبي

هي سبب زفرات قلبي

آآآآه منها

كل ماهبـّـت علي أنفاسها

أستوى في داخلي .. فصل الخريف

وثــار صــوت أوراق شعري .. بالحفيف

حـرّكت غصن المشاعر .. في خفوقي

وطــاحت أوراق القصــايد .. في عروقي

أبتدا فصل النزيف 

وأبتدا نزف المشاعر

إنولدتي يالقصيده

وصرت شاعر

وإعذريني
--------------------------

تسأليني

دمعتي وشلون طاحت .. وفضحتني ؟

وليه كل أســراري باحت .. وكشفتني ؟

قبل أجاوب هالسؤال

ونتمادى في الجدال

إسأليها

إسأليها ليه راحت .. وتركتني ؟

بعد هذا لازم إنتي

تعــــذريني

********