Make your own free website on Tripod.com

ذكر ربي


 


ذكر ربي قبل مابدا عناوين القصيــد يفرح الخاطر ويطرد هواجيس تعبي
والله انى ماارتجي غير رضوانه عضيد منهج لي وسط دنياي من قبل أحبي

 
انتخيت الشعر واقبل يقول اللى تريـد اشهد ان امه على قولها جابت صبي
قال انا لك يابن لجواد في اليوم الشديـد هات علمك ياعميلي وقلى وش تبي

 
قال جاء يومك ونبغاك في بدع جـديد تجعل اللي يستمع له يشوش ويطربي
قال بسم بالله بدينا ولو دربك بعيد والله لمشي في طريقك ولو هو لولبي

 
يوم شفته يرفع الراس سميته فريد اشهد انه مايقصر لما جاء مطلبـي
ودي اضحك ودي ابكى واغنى واستزيد ودي ادرقل وازمل واعوج والعبي

 
قاع نجران اخضرت وارتوت روس الجريد عقب مالبد سماها السحاب الخلبـي
من شعفنا للحظن لى بلدنا لـصـعـيـد مرحبا يامشعل الخير يالحر الابـي

 
ياطيور الجو ياللي تسافر كل بيد اسجعى بالصوت في شرقها والمغربـي
وارفعى الترحيب تكفين بالصوت المديـد رحبي من قلب صادق وزيدي رحبـي

 
بسم داعينا ويام وهمدان بن زيد ياهلا يااميرنا يارفيع المنـسبــي
مرحبا باللي غلاه انغرس وسط الوريـد عد نو مدلهم مزونــه تسكبـــي

 
راعده سبح وبرقه على الحدبى يقـيـد نوته بتقول للقاع علي واشربـي
يشهد الله يشهد الله ولاغيره شهيد عالم سر الضماير وماهو مختبــي

 
بالغلا والحب لك في دواخلنا رصييد مايزه لا زوابع ولا كلمة غـبـي
الولا ثم الولا والله عنه مانحيد لين تدفن روسنا في التراب وتذهــبي

 
الولاه لخوان نوره هل الراي السديد الملوك اللي نفاخر بهم كل اجنبــي
هم حماة الدين والدار ساده كل سيـد يشهد الله غير حكم السعودي مانبـي

 
الولد والطفل والشاب والشيخ القعيـد جددوا لك الولا يالعريب اليعربي
سيدي لى جيت ابا اكتب تعب ساعي البريـد وتتعب اقلامى وتفنى دفاتر مكتبتي

 
بالزعامه يشهد الفعل والماضي التليد اصل حتى اسم الزعامه مع جدك ربي
وفي الشجاعه لك مواقف ولك وقع حميد والوديعه ترفض البيض بأعلى مرقبي

 
والسماحه يكمل الحبر ماوفاك قيد بامتثل واقول واطول ويطول شنبـي
اشهد انه مايفل الحديد الا الحد يد وانت سيف في المواقف ونار تلهبي

 
سيدي مشعل ولو جيت ابا اردد واعيتد ويش بكتب والمثل صار فيكم مضربي
باسم داعينا ويام وهمدان بن زيـد مرحبا يااميرنا اللي لذكره نطربي

 
اشرقت شمس السعاده وذاب بها الجليد وبرد ليلى راح من يوم شبيت حطبي
ويوم جيت ارتاح قال الشعر هل من مزيد قلت رح يابيض الله وجهك ياصبي

 
والسلام ختام والله على قولي شهيد كثرو من ذكر ربي وصلوا على النبي