ياجناح الصقر رفات ريشك هايله
لا شلعـت الجـو متنحـرٍ كبـد السمـا
مايردك ريح عاصف وحر القايله
ماتردك يابلج الريش وان زاد الضما
يكفي انك فوق والناس بس تخايله
رح عسى عين الحسد والمكايـد للعمـا
نظرتك نظرة فطينٍ ولاهي مايله
ربي اللي واهبـك عـزم بالهمـه زمـا
ماعلى سرج الهبايب غريم تحايله
اشهد ان تموت عينه وهو كيـف وكمـا
انت مجلاسك بيمناك والله نايله
ماغدرت ولا فحشت البـري طبـع ونمـا
وان هما قنف السما بالمزون السايله
جا ربيعك شيح عطره بعذبات اللمـا
من يكيل الضيم جيته بضيم تكايله
خلها تسبـح جـروح المولـي بالدمـا
لين يندم ويتمنى تحول الحايله
والنوايا ناب والنـاب فـي وسـط الجمـا
وانت ما يلحقك طيش الظنون الزايله
لو تعنى المعتني ماوصلك اللي رما