Make your own free website on Tripod.com

بودعك ياسريري

 
باودعك ياسريري منك مليت
با روح وانصا مسافير العيالي

زوارهم كنهم حصن مفاليت
والا ورود على عد زلالي

عشرين ليل وانا بالعين ما ريت
لا شفت شمس ولا شفت الهلالي

ما شفت كون النصارى والسرابيت
والا المجانين شينين القبالي

لا عاد أبى الست والحمام والليت
وتخاتر ضيقوا صدري وبالي

شربي عصير ويخلط لي بشربيت
واحب منه لبنها والوشالي

ما ريت لي هجمت من توها بيت
منها عشاير وخلفات متالي

واحب منه طويل به تعنيت
واشوف منه دبشنا والحلالي

واحب منه على العيرات غنيت
من فوق حر نسانيسه طوالي

فياليت منهو مع الصبيان ياليت
كسابة للمراجل كل غالي

فنحمد الله عطاني ما تمنيت
اتشوف عيني سهلها والجبالي

ونحمد الله على رجلي تمشيت
ومن اول كان في رجلي خمالي

فياليتني يوم حل الوقت صليت
فالى تقبلت ما شن اتسلي

وستر على بن صباح ودولة كويت
يا جعل حكمه عليهم ما يزالي

يا ليتني عند صنبر زاد حليت
وتهب جنبي خفيفات الشمالي

يا فاطري من هوى بالش تعنيت
في المرتع اللي من البدوان خالي