Make your own free website on Tripod.com

في بن قرملة
 الشاعر "راكان بن حثلين" 
 
قال بن قرمل
لي لابة(ن)حدرتها من تهامة
 وسلاحها سود الافرنجي والاروام

لابد من يوم(ن) تـثور كتامه
اما على المــطران والا على يام

ربعي كما ســيل(ن) تلاطم عتامه
من الكويت الى الحساء له تلطام

وياذا البهم والله ان تباري الجهامه
الين تنزل بين صـــــفوى والاوجام
 رد راكان
ياراكبٍ حرٍ تشذ ر سنامة
نيه جديدٍ فوق نيه من العام
ما صك لحيه في ليالي فطامة
مقوي عظمه يشرب لبن كل مرزام
يلفاك بن هادي كبير العمامة
شيخٍ ورمحه في علا الخيل مسلام
الشايب اللي ما تبيت عظامة
عيت تبيده الليالي والأيام
والترك قبلك زارنا به زعامة
وقد عافنا واعتاظ عنا هل الشام
اقبل علينا يم سوق المنامة
عاداتنا مثل الجلب كل سوام
ذا القفل اللي حادر من تهامة
يا سوق طرشه في لحاليح وعجام
نبغي نسوي للمسير كرامة
شلفٍ علي قبض سريعات لولام
تسعين رمحٍ كسرت في عدامة
عشرين منها بين فوران وحزام
فن كان تبغي سابقك والسلامة
فلا تحدر بالجحادر علي يام
وان كان جيت بلابتك من تهامة
حنا لكم في مقطع الصلب قدام
يحرم عليك النواب صكت ظلامة
مادام يوجد واحد من ظنا يام
فن كان كم مثل الرعد بالقصامة
فأن الرعد ينبت زبيدي برضام
وان كان كم سيل يطم العدامة
حنا زبارٍ يشرب السيل لعام
معنا الطويل اللي تجيكم علامة
يركض علي جمع الطوابر والروام
بمهندٍ يفري الظهر من عظامة
سيفٍ صقيل فيه سوق البلاء حام
كم شيخ قومٍ نظربه في حزامة
ونكسيه عقب الجوخ برزٍ من الخام
اهديت لك بير السلف والجهامة
أبغيك ذخرٍ في مقاديم الأيام
وسويت أنا وياك مثل النعامة
جاها بلاها من ثقيلات الإقدام