Make your own free website on Tripod.com

حمزة جلينا
 

 

حمزه جلينا من ديار المحبين
ولا عاد جانا من سنعهم علومي

مشوا بنا العسكر لدار السلاطين
في مركبٍ جذواه تركٍ ورومي

خمسة عشر ليلة علي الوجه مقفين
ماحن نشوف الا السماء والنجومي

ولي مشي المركب مشت دمعة العين
والصبر في الشدة علينا لزومي

والنوم يامشكاي ملاج بالعين
والقلب ياحمزة تزايد همومي

يالله ياقابل سؤال المصلين
انك تروف بحالنا يارحومي

يارب ياعدال بير الموازين
يقابلٍ مني صلاتي وصومي

يامن له الدنيا ويمن له الدين
يافارج الشدات جاري الهمومي

عسي مقادير الليالي لنا زين
وانك تساعدنا بحظٍ يقومي

وانك تبدل شدة العسر بالين
وتفرج لمن كثرت عليه الهمومي

حنا هلا لما دبر الله ماضين
ونكافح الدنيا بكثر العزومي

هيا اركبوا من عندنا فوق ثنتين
وخلوا نجايبكم مع الضو  توضي

لالوعٍ  بالوصف مثل القطاتين
تبراء الشراب ولايعتها السمومي

لي أصبح كنهٍ جريد البساتين
نحال من كثر ألحفا والرثومي

تلفي علي ربعٍ عساهم عزيزين
وبالشجاعة كلبوهم قرومي

يامٍ لي رد البراء للمعادين
لطامةٍ للي عليهم  يزومي

يوم الخيانة ليتهم لي قريبين
من فوق جلباتٍ تبوج الحزومي

ولي تعلوا فوق مثل الشياهين
مركابهم يشبع وحوشٍ تحومي

وصلوا علي اللي وضح الزين والشين
وشيد منار الدين وعلا ألرسومي\