Make your own free website on Tripod.com

حب الظهور
 

 

 

يـابو مـحمد مـا بـقى لـلشعر ذوق

 الـعرض لـي فـاق الـطلب بار سوقه
حب الظهور اعما البعض واغرق السوق

 حـتى انـخفض سعره وضاعت طروقه

 


اصـبح كـما نفط العرب طاح من فوق

 اوتـمـر ديـرتنا يـبس فـي عـذوقه
عـزيز قـوم ذل واخـذت لـه حـقوق

 مــن لا قـدر يـشريه يـقدر يـبوقه

 


فـيما مـضى نـطرب للاشعار ونتوق

 والـكـل جــزلات الـمعاني تـشوقه
لاشـك خـطوا بـيت مـاهو بمسبوق

 تـستذوقه مـثل الـعسل حـلو ذوقـه

 


اوشـاعر ٍ يـطربك فـي ساعة ايروق

 كـنـه يـقدم دُر مـن شـخب نـوقه
ويـزيد بـابداعه لـما نـاضت ابروق

 او مـوقف ٍ لـه شـان حـرك خفوقه

 


ويـزيد بـابداعه عـلى نـبت زملوق

 فـي خـايع ٍ قـد كـل نـفس ٍ تـتوقه
ويـزيد بـابداعه عـلى زول مـخلوق

 ويـجـر بـالابـداع مـقـدار شـوقه