Make your own free website on Tripod.com

نصيحة

 

 
لاتـامن الـدنيا تـرى فـي كـل يو تجي بحال

 

 دنـيـا دنـية دانـيه تـدني دنـاوتها الـعصاه


كـم مـن سلاطين ٍ مضوا وقصور دكتها الرمال

 

 وكـم مـن قـلوب ٍ جـايره دكت معالمها الحياه

 


تـضحك لـك الـدنيا وهي صعبه وغايتها محال

 

 احـذر دهـاها وانـتبه مـن حـسن تياك الفتاه


لاتـنجرف نـحو الطمع وتبني قصورك من خيال

 

 كـلاً عـلى قـده يـمد افـراش رجليه وغطاه


مـهما تـكابر يـنثني عزمك وتسقط في النزال

 

 لـلناس غـايه واسعه والكل يبحث عن رضاه


مـا يـدرك الانـسان غـاياته ولو طال المطال

 

 تـمشي الـمراكب والرياح تسير عكس الاتجاه


واحـذر مـخاواه النذل واحذر من اشباه الرجال

 

 والـرجل يـعرف موقعه من سيرينه واصدقاه


واحـذر من اصحاب الرخا والمصلحه والاحتيال

 

 كـم مـن حـقير ٍ لجل حب المال قد باع اخوياه


اتـرك هـماج الـماء وخله واشرب الجم الزلال

 

 يـرويك عـن شرب الهمج عد ٍ نقي ٍ شرب ماه


واتـرك هـزال الهرج وانهل من سمانه والجزال

 

 ترى اللسان حصان من صانه يصونه عن خطاه


حـذراك تـغتاب الـبشر حـذراك من قيل ٍ وقال

 

 بـالهرج لا تـلحق رفـيقك وتـكلم فـي قـفاه


خـل الـطريق الـملتوي واسلك طريقك باعتدال

 

 مـن حـطته يـديه في درب الخطا ماحد بكاه


ولا تـكابر والـكبر راعـيه فـي درب الـظلال

 

 مـن كـان فـي قـلبه ولو ذرة كبر يلقى جزاه


واعطف على من هو صغير وجاوبه عند السوال

 

 وقـدر كـبير الـسن لامـنه مـشا خـلك وراه


أد الـفروض الـواجبه مـادامها خـير الخصال

 

 مـن صوم من حج وشهاده من زكاه ومن صلاه


اتـبع طـريق اهل الصلاح وساير اعيالالحلال

 

 وانـهج طـريق الخير وادروب السلامه والنجاه


ولا تـشح بـما عـطاك الله مـن جـاه ٍ ومـال

 

 الـمال يـبقى والـبخيل يـموت مـا شله معاه


لـلجار واجـب وان بـدا الواجب عليك الامتثال

 

 لـلجار جـيره والـرسول بـواجبه وصى وصاه


عـاود بـني عـمك وربـعك والقرايب بالوصال

 

 واصـل قـريبك كـل وقـت ولا تـفكر في جفاه


واحـفظ حـقوق الـوالدين احقوقهم مثل الجبال

 

 بـاللين عـاملهم ولا تـغلظ عـليهم فـي قساه