مــــــر الــحــيــاة
تبقى الحيـاة بمرهـا حلـوه مـا دام الله كريـم
قم نفض غبار الحزن عـن خاطـرك لا يخنقـه
يخلق مع الضيقه فرج رب علـى خلقـه رحيـم
ويجيب من عقب الما والليـل شمـس مشرقـه
يا صاحبي رغم العنا والضيق والجـرح الاليـم
يبقى الامل رغم الالم رغـم الجـروح المحرقـه
قيد القهر لا تاضعه بيـدك علـى قلبـك مقيـم
ارم القهر وارم العنـا بـذر الرجـا لا تسحقـه
قم هات كفك في يدي نبدأ مـن الصفـر القديـم
من ساعدك في ساعدي حزن المواجـع نشنقـه
لا خاننا بامس الزمن واليـوم بالضيقـه زعيـم
بكره نسانيس الامـل فيهـا الفـرج نستنشقـه
يا صاحبي من ذا الشجر خذ حكمة الصمت الحكيم
رغم الريـاح التطعنـه يبقـى بهامـه شاهقـه
عش دنيتك لا تنحني مهما غـدا وقـت خصيـم
بارادتك تحنـي القهـر بامـواج عزمك..تغرقـه
لا بد ما ياتي مطر مـا دام بـه نسمـه وغيـم
لابد مـا ياتـي فجـر رغـم الليالـي الخانقـه
هيا نحـاول للامـل نوصـل اذا نوصـل سليـم
ولا..فياكـم غيرنـا لفـت حـبـال المشنـقـه