]
قصا يده في صاحب السمو الملكي الأمير مشعل بن سعود
يجوز ان الشعر يخطي المعانى في بعض الاحيان
عسى الله لايبيض وجه شعري ان عصا او خان
وعسى الله لايخليني اذا اخلفت تركيبه
الا ياسيدي والشعر اذا ماجاء من الوجدان
مثل غيم يحوف القاع ولاهلت مشاريبه
وانا ياسيدي صحت لقصيدي واعتزى للشأن
عرفنى لابغيته مارحمته لين آتي بــه
ودندنت على دان لدانه يالدان يادان
وضبته وخضبته وقضبته مواجــيبه
وغناك القصيد اللي غدى من سبتك نيشان
يدندن بالفخر والعـز والنـالات والهيبه
مفاتير القوافي سقتها لاجل وهن تزدا ن
بذكرك والركايب سارت بذكرك وتجري به
ذكر اسمك كما برق غدى يسري مع الركبان
ذكر اسمك كما رعد مخاييله تلالي به
الا ياحر مرقابك شلع في بطن السحاب وبان
تغطرس بك مدار المجد وتوطت لك مراقيبه
ولا يافارس منشق لك عج على الميدان
صهاوي الريح تعسفها وصهيل الخيل تسري به
الا ياويل حرابك والا ياويل الخوان
اذا اشهيت بارودك تسوقه من تلالي بـه
صمايل لاحما سوق الرمي واشتبت النيران
سنافي مايردك في مضيف الضيف ترحيبه
اذا قالو العرب مشعل يثور امن الفلا بركان
تسولف به بلاد الغرب وبلاد الشرق تدري به
الا ياعزنا يارمزنا يامشعل البنيان
الا ياكنزنا اللي بين خلق الله نماري به
الا ياحزمنا ياعزمنا يا أ على البشر انسان
الا يادرعنا اللى لظفر ماارخى مناكيبه
زبنت المستجير ياللي تجير وجاورك الاحسان
وعلى راس من ظامه تكسرها مشاعيبه
دحرت الفتنه وراحت الله يلعن الشيطان
عفيت ولاحضت ولانفيت الود تذري به
نخاك الشايب اللى صار صيبه من ورى القضبان
ونختك ام السجين اللى تجر الدمع وتذي به
تحل وحلك يحل المحال اليستحال وحان
ولاغيرك يفك اللى بعيد وسجنه يدي به
ورثت العز من راس المعزي يالله الغفران
على روح المعزي اللى يورث عزه الصيبه
عريب من عريب من نسل عربان
عظيم من عظيم من عظيم ويش نحكي به
نحبك كثر ماغنى الحمام وارتوت الاغصان
نحبك عد ليل ناض عوى من شوفته ذيبه
تحبك ديرة الاخدود بنى يام وبنى همدان
واحبك لو يخون القاف حبي ويش اغني به
ختم القول لاصار الشعر مايرفع الانسان
فمنا ولا له خافة عندي ولالي بــــه
يجوز ان الشعر يخطى المعانى في بعض الاحيان
ولكن لاغدى شعري بمشعل ويش خطي به