الغربة

 

متى تنتهي الغربه متى ينتهـي  المشـوار

متى تخلص ايام الشقـى وارجـع لـداري

متى ينتهي حزني متـى تنتهـي الاسفـار

متى تاقف الخطوه متـى تنطفـي  نـاري

متى والزمن طوّل وانا بيـن ثلـج ونـار

على الله باشكي هو عليم وهـو  داري

الهـي وربـي خالقـي عالـم  الاسـرار

دعيتـه رجيتـه ربـي الواحـد البـاري

يفرج همومـي منشـي الغيـم والامطـار

خلق في السما نجم وقمر ترشـد السـاري

الاياحبيـب الـروح يامشغـل الافـكـار

 تكرم تعـال وزورنـي ريـح  افكـاري

حبيبي لك الله طال وقتـي وانـا  محتـار

ولامـن علـوم وجيتـك مالهـا  طـاري

محبتك فـي قلبـي تـرى مالهـا معيـار

عطيتك خفوقي والعمر واجـل  اشعـاري

أحبك ولك في القلب حـبٍ ابـد ماصـار 

محبه تفـوق لحـب ريمـه مـع سـاري

أحبـك أحبـك عـد ماتنبـت  الاشجـار

من اول حياتـي ليـن تاخذنـي اقـداري

تصور من اصحابك من اهلك عليك اغـار

لك الله عليك اغار حتـى مـن  انظـاري

لك عيون من لون العسل ماخـذه  مقـدار

ولك حق بيـن الخلـق بعيونـك تمـاري

احس ان خفوقي من الفرح لي نظرتك طار

واحس انك اجمـل وردةٍ تسكـن ديـاري

تغربت لاجلك وانتظـر رجعتـي  للـدار

اعـود اليـك يسابـق الشـوق مسيـاري