كنت حالف

صدقيـني قبل ماجي واشوفك كنت حالف
اني انـهي كل شيٍ حـصل بيـنك وبيني


بس مدري وشحـصل وقتها ماكنت عارف
ضاع هرجي من وضعتي يدينك في يديني


كنت زعلان ورميت الزعل بارض السوالف
بعـد ماكان الزعـل قبل اشوفك محتويني


آه ماحلا كلمة أحـمد على ذيك الشـفايف
لي نطـقتيها وقلتي أحـبك وانت عـيني


ماتوقعـتك كذا كنت احسـبك حـلم زايف
كنت احـسب انك نسـيتي ولاعادك تبيني


لين شفـتك يابعـد كل منـهم لي ولايف
اتضـح لي بعـدها انك جزء مني وفيني


ياطريق من مشـيته وانا بالحـيل خايف
وعند آخر خطوتٍ فيه تضحـك لي سنيني


ظني بغيرك سقـط بس ظـني فيك نايف
لانك انتي ضـي عـمري ونور ٍ يغتشيني


جيت اشوفك كنت حالف وانا هالحين حالف
والله انه مايصير الزعـل بيـنك وبيـني