خنجر الصمت

 

كف الكلام اسمح لعينـي  تراعيـك

واغرس بعمر السالفه خنجر الصمت

 

ماعدت انا اقوى بالسوليف اجاريـك

تكفـى تكلـم بالنظـر لوتكـرمـت

 

أبيك بـس تناظـر عيـون  مغليـك

هذي ومن باقي مواجيبـك  كرمـت

 

أهيم لا طولـت انـا بالنظـر فيـك

وان جيت اعبّر بالحكي لك تلعثمـت

 

مجنـون بعيونـك انـا  يامحاكيـك

وتذبحنـي زيـاده الا مـن تلثمـت

 

تكفى ترفق بي عسـى الله  يخليـك

لاني اضيع اليـا حكيـت وتبسمـت

 

العمر لحظه تنقضـي بيـن اياديـك

ياما قبل لقياك في شوفـك  حلمـت

 

من يوم مادق الهوى بـاب  مغليـك

والله ماعمـري دقيـقـه  تنـدمـت

 

الا على وقتٍ مضى قبـل  الاقيـك

ياللي بك احيا وان تناسيتنـي  مـت

 

ودي عن عيون المخاليـق  أخفيـك

ولايشوفك غيـر عيـنٍ بهـا نمـت

 

اسكت وخل عيون خلـك  تراعيـك

ياليت لمّا اجلس معك تلزم الصمـت