Make your own free website on Tripod.com

جــــفـــــن الـــســـهــــر

 

الريح تصرخ وسط جوفي والسوافـي  مذهلـه

والشوق جمرة ميسمه حلّت على الضلع القصير

يا سيدي درب الغـرام اللـي بدينـاه بولـه

خطيـر لكـن قـل معـاي الله يتممهـا بخيـر

يا للي غرس لي في ضلوع الشمس ذيك السنبله

وحصدت زرعه في ظلوعي جمرتين ونفح كير

هو يدري انه ما انلحق لا صار راعي  الاولـه

من يلحقه والدرب شوك ٍ والبخت غر وحسيـر

يا سيدي طال الغياب .. طالت سنيـن  البهذلـه

ما نام جفـن للسهـر وابـرد ليالينـا  هجيـر

تذكر اجابـه فـي عيونـك تستبيـح  الأسئلـه

كانت بدايه للجنـون القاسـي الحلـو المريـر

ما تذكر إنهـا كيـف كانـت حايـره متململـه

واجمع خيوط أطرافها وترف عيني ثـم تطيـر

يا ما تعبـت اسـأل إجابـات السنيـن المقبلـه

والنفس ترقب امس والحاظر عبوس ٍ قمطريـر

والله عيوني خايفـه.. كنهـا يتيـم ٍ مـا  دلـه

فيها احتمالات الوداع اللي تثيـره يـا  المثيـر

تعال لي عطني حبيبي مـن وصالـك  مكحلـه

واكحل رموش الفرح .. ويصير لأشواقي سفير

تعال خذني للوجود .. غريـب عنـدك منزلـه

خذ مسبحة شوقي وعطني نظرتين وريش  طير

يـا سيـدي دام الليالـي فهمتـنـا  المسـألـه

فاغرس صباحك في جبين الليل وعيون الضرير

واللي بينبت لا رويتـه مـن عروقـي باكملـه

                                   عده حلالك ... بس راع الله فينـي والضميـر