Make your own free website on Tripod.com

                                                                                                       البينة 3

 

ومخبـل الانسان .. ما أطـغـاه يـــا لله الســلامــه
رغــم كشـف سـدوم والأحـقاف ? إخـفـاء ألإرم
 
تـضرب الأمـثـال يـنـسـاها ولا ينــسى طــعـامـه
يعـبـد ألنا سوت واللاهـوت الأعـظـم والاهـم
 
هـل غــدا جـــــبـار والجـبار بـيـديـــنـه زمـامـه
والعرق يـؤذيَـه والباعـوض يـثر لـه سـقـم
 
هل نسى من ويــن جــاء.. جــرثوم يسبح في نخامه
 وينتهي للدود ينخر جـثتـه لحـم وعـــظـم
 
كم ظلــم فيها ضـعـيــف وقـال مانـيب الهــلامه
كم ضرب طيًب عـسى الخـيـًب يـهـيـب ويحترم
 
هل بقى النمرود ? لم يبقى ولا حتى إحـتـرامـــه
راح خـلاهـا وراه..ومن ورثهـا ما ســـلــم
 
أيـــها الجــبـار.. دع قومي يـمـرون بـســلامه
في بني إسماعـيل جاءالموعود وأمرالله تـــم
 
أيـــها الـفـرعون..كـم فـرعون ما حـقق مـرامه
ولجل موسى في بني إسرائيل صُب الحقد جـــم
 
قتل الأطـفـال واسـتـحـيا النـسـاء لجل الزعامة
ويوم جاء التابوت للطاغـوت ماحرك نـســم
 
ولجل تحقـيره..وتــدمـيـره..وإفـهــامه مقامـه
شــب مـوسى بـين عـينيـه يـتنعـمها نعـم
 
والمواري "بـيـنـه" في كل يـوم إلـنـا علامـــه
في اليهود وفي النصـارى وكل من سبل وظـم
 
بعضها للناس واضح وبعضــــها خـافي العــــلامه
لو نظـرت بـعين قـلبك..لا بعـين من شـحـم
 
ما تحس ألضيق أضيق..ماتلى ضـــيـق نــدامــــه
ما تـشـوف الـفـجـر يـتلى ليل دامـس كـنه يـــــــم
 
ما تـشـوف الصــفـوه القـله بساعــــات الكرامه
مثلماالـشـامه بجلدالثــــورالاســــود في عتم
 
ماتحس الجوع الاسحق..الجـمـل ياكل سـنــــــامه
والدلي فـوق العـــجــل والـبــيـر قـد ماها ســـــدم
 
ماترى التـقـتـيـل والـتـشـريـد في يـام وكتـامــه
لجـل نـور الحـق يـبقى في غـياهيب الظــــلم
 
صـفـَرت روس السنابل وبعضها يســــبق صرامــــه
وفي الجـزائر يـصـرمون الزرع بالســيـف الاصم
 
تـنـبـجـس من كل جـال ما بـقى فـيـها إقـامــه
أســـــس الهيكل وســــاس المسـجد الاقصى هُدم
 
والعرب شدوا وشتوا للحساء وارض الـيـمامـــــه
"شت نجران" إسأل التــــاريخ عنه كيـف تـــم
 
مانـشـوف إلا نـشـوف ولـو نـــزلـنا الـف قـامه
ندري ان الدين بُـدًل مابقى غـيـر الاســــــم
 
ذيـب يا ســرحان يللي في الدحـــل ياكل عظامــه
والثعـل يلـعب من المخـلاف لي قـبـل الـحـزم
 
ويــــش بـقـاكمـلت اصابعـنا من اسـنان الندامه
ويـبـست لحانامن الدناق ما جـاها دســــــم
 
حان وقت الصـدق موعدنا معا ســـــــاعة قيامــه
يـخـرج الله اللبـن مـن بـيـن فـرث وبـيـن دم
 
لابـتـي ثم لـيـش نـدفـن روســنا مـثـل الـنعامه
والنبي بـلًغ رسـالاتـه وتـمـمـها بـخــــــم
 
ثـم امــر والـناس تـسـمع " نـفـذوا راية اسامه"
وقال هـاتوا لي دواة اكتب لكم هـاتـوا قـلم
 
قال بـعــض الـقـوم يـهـجر ماعلـيـكم من كلامــه
والنبي ما يـنطـق الا وحـي وإن زاد الالــــم
 
اُغـضـبـوا زهـــــراء آل الـبـيـت قـبـل يتم عامه
ورثــهااصبــح حـكايــات التــظـلم والظـلم
 
ومن ولي لـيـا وصـي لســــيدي قائـــم مـقامــه
انـورت مـــشــكات الانــوار العـظـيمه للأمم
 
دارت الاكـوار والادوار لي يـــــــوم القـيـامــه
مـثـلما دارت جـموع الـنـاس بالـبيـت الحرم
 
والرحى من قـطـبـها والديـــن محـوره الامامـــه
وباب حـطـه مـعجـزاته ظـاهره مـثل الـعـلـم
 
ما بـقـا غـيـر الفـرج يالله عـجـــل في تمـــامه
 لين ناطا بـقـب الافـراس العـــرب قبل العجم
 
نلـحـق الفـاجـر ولـو حـتى تـعـلـَق فـي غــمامه
وفي رضـاء مــولاي تـطـــاه الـقدم بعد القدم
 
وترتفع راية محمـــد والستر يقشـــــــع لثامـه
ولا الـــه الا الآلـــه بــكل بـيت وكل فــــم