غيمة طواها الوقت

أنا شيله على راسك وانـا فـي جيـدك السلسـال
وأنـا نغمـة أهازيجـك بليلـة مابـهـا فـنـان

أنـا لوحـه رسمتيهـا وغربلهـا هـوا الأطـلال
أنـا شفـة قلـم تذبـل ترجـي القطـر يامنـان

أنا احرق خافقي لاجلك اولـع لـك دروب ادغـال
أنا الهايم انا الصايـم انـا الميـت انـا الولهـان

أنا كحلـه بعيـن الدهـر انـا روج بشفايـف لال
أنا العاطش على الهامش بشوف الماء وهو ضميان

أنا الميت وأنا عايش وانـا النايـم وانـا جـوال
أنا الواقف وانا جالس انا اليائس وانـا الفرحـان

أنا غيمه طواهـا الوقـت وقفهـا عـن الترحـال
أنا كلمه بدون حروف انـا قصـه بـدون لسـان

أنـا تاريـخ ماسجـل وانـا ليلـة بـدون هـلال
وأنـا مكتـوب لامرسـل ولاراسـل ولاعنـوان

أنا اشوف البشر غيـري تبيـع وتشتـري آمـال
وأنا باسط علـى حظـي اوزع لوعـه وحرمـان