برج الاسد
أنا مثل مفرودٍ من امه سـرى مسـرا
خلوجٍٍ يدور فـي الخـلاء للمفاريـدي
خذته الشعوف وضيعه مخلف الغـدرا
وتنايا بعيـدٍ مـن عـدودالمواريـدي
ولاعاد شاف اماتـه السـود والعفـرا
حداه السمـوم ولوعتـه الصواهيـدي
على ابـو جبيـن مـن وسـط شقـرا
صفقها الهبوب ولاعها من على الجيدي
عيونه تقـول مضيـعٍ وسطهـا قمـرا
تخالط معاهاليـل غـدرى المواعيـدي
وشفاةٍ تقول من الشفق تشتـرى مشـرا
وفلج تقول من البـرد صافهـا بيـدي
ولاهـي بحنطيـه ولا لونهـا سمـرا
شقاق ونفاق ان قلت حسادهـا الغيدي
تقول انه وردي واقحواني مـع زهـرا
وتقول انه فستانٍ لبس في ضحى العيدي
على طفله تلهو وترقص وهـي تـدرا
على ثوبهـا لا يتسـخ يومـه جديـدي
تقول انها لعيـون مـن قابلـت تقـرا
تسلهم ولكنهـا نـوت فيـك تسديـدي
يقولون هي الجوزاء وانا اقول لا عذرا
وبرج الأسـد لابـد يدعيـه ياسيـدي