هز المشاعر

هز المشاعر عندكم صار مسموح "
ولا انت سادي راحتـك بتعذيبـي

تمر من جنبي عشان انك مملـوح "
لاتلتفـت يـمـي ولا تستجيـبـي

سلم يادكتاتور وان رحت بـاروح "
لا جايبٍ خشمك ولا انتـه تجيبـي

بس السلام بسنة الخلـق مبيـوح "
ورده علي واجب ولا هو معيبـي

وان كنت بالنيروز عيدك وموشوح
وعلقت بدل هلال حبـي صليبـي

فترى سنيني كلها اعياد وفـروح "
وشم النسيم يجيبنـي ويغـدي بـي

ولو هزني حبك على غير مصلوح
لا تفتكر في ضعف نفسي نصيبـي

لي هامةٍ ترفع ولو راحت الـروح
مابي من الدنيا سوى ذكـر طيبـي

ولي عزةٍ ترقى على كل صاموح
حتى جبال الألـب عنهـا تغيبـي

اشل نفسي فوق لـو انـي انـوح
ولا اقبل علاج الذل من يد طبيبـي

لا والذي سواك ما اعيش مفضوح
ولا انزل من الأيوان واسكن شعيبي

اما تبيِن مثلـي بحـب وجـروح
ولا جحدت الجرح لو هو عطيبـي

وتبقى امبراطوريتي فوق لحلـوح
يسجل لها تاريـخ حـبٍ يشيبـي