بسك خيال وبسـك احـلام  جـدُي

بـرقٍ يصـدك لاترجيـن همـلـه

بـرقٍ يمـر مـن بعيـدٍ  مـعـدي

خله يوجه يـم منهـو انحكـم  لـه

ولو اجدبت في دارك اغصان وجدي

اصبي عيني من سهر لـه ولاجلـه

لك يانديم العـذر راعـي  التحـدي

اللي قراراتك فـي الحـب  عجلـه

ابوك شوفـي فرصتـك واستجـدي

تراك طبيتـي مـن القفـر  هجلـه

هجلـة حنـان للمحبيـن  تـسـدي

اشرب قبل ماحـد يعوقـك بزملـه

وترى القراح اللي شربتيـه  مـدي

واللي خلقهـا لـك وسـاعٍ ونجلـه

الجـو جـوك والجمـال  امتعـدي

والريح ريحك وين ماعشـت عملـه

وانتي من الاطياب عـودي  ونـدي

واللبـس غايـة مـا اتمنـاه  دقلـه

والقرب كنك بنـت خالـي وجـدي

واللطـف كنـك ماتحسيـن نمـلـه

وطلبت قربـك بـس ماهـو بيـدُي

حـظٍ تشتـت ماحـدٍ لـم شمـلـه