لفظ بلا معني وجسم بلا روح
لفظ بلا معنى وجسم بلا روح
هذي هي الدنيا والانسان فيها
شمس الضحا غابت ولاعاد به ضوح
ماغير بعض الناس شبت ضويها
كنا على خوه وسجات ومزوح
لكن نسيناها مع من نسيها
هذا كتم سره وذا راح مفضوح
وذا بايع الصدقا وذا مشتريها
مدري متى البارق على الدار بيلوح
ماواجهتنا غيمة نرتجيها
ياعين اخطيتي ورا الدمع مسفوح
لا خير في دنيا بكيتي عليها
وياقلب اتبع مدهلك وانت مسموح
وان ضامتك الايام لا تشتكيها
اطلقت قيد الراحله وقلت باروح
واكثر مراويحي عذاب عليها