سبعين قامة
لابتي بين القبايل لهم مجد ٍ وصيت
ما اعتزى الحيدر عليه السلام الا بها
لابتي سيل ٍ يدم الجذا فيما بغيت
لي عوت في نايفات الرجوم ذيابها
محزمي في كل هيه وسيفي لي عديت
تزبن الخايف وتاطا على حرابها
الرجا في الله رجيته ولا غيره رجيت
واسع الرحمه يخلص جميع انشابها
جارت الدنيا والايام دارت وانكويت
واقبلت سود الليالي بسود اثيابها
تخلف النية ونا صادق ٍ يوم انتويت
مخلفات الظن يارب تكفينا بها
ونتي يوم اتذكر زمان اللي هويت
يوم خذ روحي غزير الهدب واقفا بها
غبّته سبعين قامه ونا فيها غديت
والسفينه غارقه واغرقت ركابها
ماحكيت بسر زين الوصايف ما حكيت
بعض الاشيا يالاجاويد ما يحكابها
والله اني يوم عاهدت مضنوني وفيت
من عطى خله عهوداللّزم وفّابها
جادل ٍ في حبها لاسمعت ولا وعيت
لو يجون الترك والفرس دون ابوابها
ياسلام الله عليها بتالي ما بنيت
عد من زار المدينه ومن صلى بها