ويحق لقلبي المغرم .. يحب ويظهـر اشواقـه

اذا مال الهوى مالت بغصـن يشوقنـي لامـال

عجب من ميلته يرجع سليـم بكامـل  اوراقـه

خطر لو شافها كافر وهو في هالوسيعه  ضـال

صحى من غفوته ساجد لـرب الكـون خلاقـه

خطر ماتنرسم لوحه خطـر ماتنصنـع  تمثـال

خطر ماتنكتب كلمـه توفـي الحسـن  مالاقـه

ولاظني يجي شاعر ولايلقـى حـرج واشكـال

ترى باب الغزل فيها وسيع ويصعـب  اغلاقـه

ادلعها بغزل واروع غـزل ماظنتـي قـد طـال

شبر من حسنها الطاغي .. ماغير يخيل براقـه

لعوبه لا.. حنونه لا.. ودوده لا.. رقيقة  حـال

خفيفة دم.. جفاها سم .. نهدها زم   برواقـه

شعرها لعنبو شكله .. احس انـه مثـل شـلال

تشابك واغرق ايديها بموجـه واحكـم خناقـه

تجي متواضعه مره .. لكن في شمـوخ جبـال

تجي متكبـره مـره بحجـم الطيـب واخلاقـه

تخالط في حسنها الماء وهمس الليل  والمـوال

تخاصم من حلاها الشام شكاها النيـل  لعراقـه

تصورها وهي تضحك ويضحك في النحر سلسال

طفولة من .. نعومة من .. رفيعة فن   ذواقه

صحيح اني انا قصرت وفيه اللي بعد ما  انقـال

ولكني اخـاف عيـون ونظـرة حسـد حراقـه